Dei komande åra er det venta ei auke av eldre, saman med ei veksande gruppe av yngre brukarar av helse- og omsorgstenester, men ikkje tilsvarande auke i tal helsepersonell. Velferdsteknologi er fremja som eit av virkemidla for å møte utfordringane, og skal bidra til innovasjon og auka kvalitet i tenestene.

Fagnettverket er for tilsette i kommunar og helseføretak. Deltakarane har fått ein felles møteplass med fokus på fag, pasienttryggleik og samhandling.

Det er godt dokumentert at pårørande til personar med demens blir utsett for stor omsorgsbyrde, og at dette kan ha negative konsekvensar for dei pårørande sin økonomi, sosiale liv og helse. I denne studien ser vi på samanhengen mellom spesifikke nevropsykiatriske symptom ved demens, stress bant pårørande og tidspunkt for innlegging i institusjon.

ABC- opplæringa er ein opplæringsmodell som tek sikte på å heve kompetansen i pleie- og omsorgstenestene i kommunane innan eldreomsorg og til tenestene til personar med psykisk utviklingshemming.

USHT skal i samarbeid med Helse Førde setje i gang ei forbetringsutdanning retta mot leiarar og fagpersonar i kommunar.

MULTICARE skal forske på utvikling av, og arbeid i, dei kommunale helse og omsorgstenestene i Noreg med særskilt fokus på arbeid som ein integrerings- og inkluderingsarena for innvandrarar. Prosjektet er finansiert av Noregs Forskingsråd (NFR) gjennom programmet HELSVEL og er leia av Senter for omsorgsforsking Vest (SofV). USHT Sogn og Fjordane er særskilt inne i arbeidspakke 3: Kunnskap og trening av leiarar for multikulturell stab.

I samarbeid med leiarar for omsorgstenesta i Førde kommune har vi oppretta eit system for fagutvikling og kompetanseheving.

Prosjektet har ført til auka kvalitet og kompetanse i lindrande omsorg og behandling.

Leiarar i fire sjukeheimar og fire heimetenester har testa ut ein guide for leiing av kvalitetsarbeid i helse og omsorgstenestene.